Lovever Patisserie

Open Now

Now Closed

本身對可麗露都幾偏愛，朋友話灣仔開左間小店，係主打可麗露同埋Dacquoise，二話不說就去買黎試下，店內幾靚，以白色為主再加上好多花去點綴，好簡約，主要係做外賣，賣既野亦唔多，有可麗露，Dacquoise，檸檬餅同埋貝殼蛋糕，我地買左兩款Dacquoise，同埋兩款可麗露試，Dacquoise,我地分別叫左rum酒提子同埋雜莓味，rum酒提子唔錯，餅面做得好鬆化，中間夾層可能帶有麻糬所以口感好煙韌，提子充滿酒香，成個甜品又唔會太甜，好食。雜莓味道清新，又唔會太酸，但唔太特別，rum酒提子比較出色，可麗露分別試左伯爵茶同埋朱古力味，兩款都好好食，朱古力味好濃，不過可麗露個面略嫌硬左些少，雖然脆，但軟些少會好d,伯爵茶味就非常推介，伯爵茶香會慢慢滲出，非常好食，值得一試。總括呢間唔算平，但夠精緻好味，而且暫時香港有呢款甜品既地方唔多，值得一試。