秋香 (黃金海岸商場) (Closed)

今晚約咗一位同住屯門嘅朋友食飯，當然約喺屯門食啦，我哋不約而同揀咗喺黃金海岸嘅秋香。平日嘅黃金海岸同假日真係好唔同，平日去因為人比較少，環境比較恬靜，所以有種度假⛱️嘅感覺，優遊自在，特別浪漫寫意。最近天氣清涼，今晚天色好，夜晚有陣陣嘅秋意，所以我哋揀咗室外座，感覺比較chill，「涼風有信，秋月無邊」。我同朋友都有選擇困難症，所以決定咩都唔諗叫二人套餐$728，另加精選清酒200ml $100同鵝肝多士$48。前菜—日式漬物三種漬物，特別鐘意牛蒡。刺身三點盛有三文魚、日本帶子同油甘魚。賣相非常吸引，三款都大大件好厚身🤤。三文魚油質豐富，魚油好香，細嫩鮮美。日本帶子都好食，鮮味甘甜，肉質厚實。油甘魚好大件，肉厚肥嫩，新鮮甘香。炸物有唐揚炸雞、廣島蠔同吉列炸蝦🍤。唐揚炸雞外皮酥脆，肉嫩多汁，鹹鹹哋再配上沙律醬，好惹味😋！廣島蠔好好食🤩，外皮非常鬆脆香口，蠔味🦪新鮮濃郁。吉列炸蝦炸都得好酥脆，粉漿如果薄身少少🤏🏽會更正。串燒盛有和牛粒🐂、手羽先🐓、波板豚肉串🐖、大啡菇、秋葵同菠蘿🍍。特別鍾意手羽先，外皮脆卜卜，鹽酥味🧂香口，雞香肉嫩。波板豚肉串賣相十分可愛，肉香惹味。鹽燒白鱔煲仔飯 (+40