古琴雅苑 (利舞臺廣場)

Open Now

Now Closed

成個場勁嘈！無論樓面定疑似經理級，執枱同放新碗筷都係用屋邨酒樓方式，乒令嘭唥咁放。放一隻匙羹係碗就乒一次，假設一枱6個位，就乒6次，仲有新筷子座，都係係個吉茶杯度倒係個枱面度，又乒一次。執枱都係一堆咁倒落盆，又有一堆碗碟餐具嘅碰撞聲，好似茶餐廳咁。如是者，淨係一枱就乒數十次，一個晚餐時間要收幾多次枱同放幾多次碗筷都想像到，坐係度食飯，啲乒令嘭唥聲此起彼落咁無停過，坐到頭都痛埋！！已經無心情再食嘢，呢個完全係餐廳問題。肯定絕對唔會再去呢間食飯，無諗過係銅鑼灣食晚餐，體驗係屋邨酒樓加茶餐廳，太可怕。係用可怕嚟形容！要食呢個種類嘅菜式，相信銅鑼灣會有更好體驗嘅選擇！