龍鳳冰室 (Closed)

為左呢間餐廳特登開個acc寫食評，因為真係非常差，想同大家分享下。叫左一個特餐，55蚊，再加3蚊轉波蘿油，承惠58蚊。餐到，件波蘿包用微波爐叮到淋哂，個皮唔脆都算，仲一咬就散哂。最差嘅係塊牛油陣雪味真係大到唔想再咬第2啖。兩塊火腿加什麼千層炒蛋，個名好勁但食落十分普通，上到枱仲要已經唔熱。秘制瑞士雞翼兩隻加意粉，意粉細細碗，但應該係成個餐算係最好食嘅一樣嘢，起碼正常同熱。雞翼真係唔識講，唔知有咩咁秘制，同711果d急凍瑞士汁雞脾無分別。成個餐食完都唔飽。最後一樣野係餐具唔乾淨，見到有隻匙仲有pat牛油喺度。。。。咁嘅質素咁嘅價錢，希望大家可以諗下先去食。