魚米家魚湯米線 (Closed)

車公廟站旁邊，溱岸樓下嘅一間餐廳，室內環境舒服，座位寬敞，環境都唔錯。下午兩點到六點有下午茶餐，價錢由$33至到$40左右，有米線、飯、常餐、公仔麵撈、多士及三文治等。款式好多，適合鍾意食唔同嘢食嘅朋友。今次我哋叫咗長洲大魚旦湯米線餐， $36包飲品一杯，真抵喎。飲品叫咗熱鴛鴦，咖啡味都幾香，奶都幾滑，味道唔錯。魚蛋米線份量都幾多，米線幾爽口彈牙，湯底比較咸，魚蛋大粒，但只有兩粒，比我想像中少，可能我期望太高，不過味道都算唔錯。整體來講呢間嘅下午茶餐都幾抵食，夠晒經濟實惠， $40遊走，有一碗麵又有飲品，經濟唔好嘅情況之下，呢度都係一間好嘅選擇。