Video
Read full review
2018-03-22
72 views
收工之後約咗朋友夜啲喺隔離酒吧街飲嘢，飲嘢之前梗係要填飽個肚啦！就嚟咗呢間泰聚，地點10分方便，地鐵站行過去大約三分鐘。我哋首先叫咗個肉碎粉絲湯，個湯真係好足料，有雜菜、粉絲、玉子豆腐同埋好多肉碎！食泰國嘢當然唔少得仲有小食拼盤，我哋一行二人叫咗個細份量嘅，但係都幾大碟。值得一讚嘅係雞翼，好香好重香茅味，亦都唔係鞋口。春卷同蝦餅亦都外脆內軟，十分不錯。另外亦叫咗青咖喱牛腩，咖喱香口，有薯仔有牛腩仲有好多配料！最後當然要叫個甜品啦，我哋叫咗一份椰汁西米糕，好重椰子味，仲有d芋頭粒。另外椰青好新鮮！椰青肉都好嫩滑。食咗咁多野，埋單最後每人$263，價錢尚算合理，會再光顧！
我哋首先叫咗個肉碎粉絲湯，個湯真係好足料，有雜菜、粉絲、玉子豆腐同埋好多肉碎！
食泰國嘢當然唔少得仲有小食拼盤，我哋一行二人叫咗個細份量嘅，但係都幾大碟。值得一讚嘅係雞翼，好香好重香茅味，亦都唔係鞋口。春卷同蝦餅亦都外脆內軟，十分不錯。
另外亦叫咗青咖喱牛腩，咖喱香口，有薯仔有牛腩仲有好多配料！
最後當然要叫個甜品啦，我哋叫咗一份椰汁西米糕，好重椰子味，仲有d芋頭粒。另外椰青好新鮮！椰青肉都好嫩滑。
食咗咁多野，埋單最後每人$263，價錢尚算合理，會再光顧！
Post
