六両三 (鉅利大廈) (Closed)

一直都bookmark咗呢間舖頭好耐想試，一向都知佢尖沙咀店都幾出名幾多人食，無奈一直抽唔到時間去嗰頭，今日咁啱喺附近做嘢，手痕揾吓附近有咩食，點知俾我見到呢間餐廳原來有天后分店，即刻call咗男朋友收工過嚟陪我食！好開心都冇令我失望，食物質素非常好~ 因為舖頭標榜完全唔用味精，所以牛肉麵真係冇出面嗰啲咁濃味，但係食完會覺得好舒服，最緊要係牛肉炆得夠腍，麵條有咬口另外我哋都叫咗唔少炸物，鹽酥雞同厚切排骨雖然好邪惡，但係炸得非常香脆同乾身，感覺唔會油膩，雖然心知肚明卡路里都係一樣高，但總算可以自欺欺人一下好在味道好好，無浪費我地食肥嘢嘅quota 如果冇加小食嘅話，七十幾蚊就有一個質量都幾高嘅晚餐加埋飲品，港島區黎講算係唔話得