一心素食 (Closed)

好開心搵到呢一間素食店，非常有心嘢食又平靚正。一入到嚟發覺原來呢一間素食店同慈濟又關聯，counter度有售賣慈濟嘅產品，亦都有organic嘅產品，例如粉紅晶鹽等，環境都乾淨。超impressive嘅係佢哋上菜速度快如閃電， 但唔會話啲菜已經係ready咗好耐唔夠新鮮，而且樣樣餸都好分量。食左259蚊既二人套餐，前菜紫薯餅個餡料好多而且炸得脆口得嚟唔油;黑松露秋葵炒滑蛋超好食，蛋滑秋葵又多;咖哩鮮蔬素肉腩好大分，肉腩係蘑菇整成，蘑菇味出眾，唔似平時嗰啲素食店話係蘑菇類或者大豆整成係一食落去成陣味精同粉味。一心炒飯都有好多材料好多菜粒！唯一美中不足嘅係佢哋嘅五青汁係已經整咗好耐，同埋啱啱服侍道我哋個侍應 態度有啲似訓導老師同埋唔耐煩，不過呢啲嘢可能都只係啱啱嗰日心情唔好啫，其他例如食物呀售賣部嗰啲全部都好鍾意，回頭率超高。