如菓．愛

Open Now

Now Closed

早前Airside岩岩開幕，我當然要去嘗鮮一下，趁放假就去左行街睇戲。行到有D口渴就去左【如菓．愛】叫左幾樣水果產品食下。 一升水果汁：一升水果汁只有西瓜汁，清甜解渴，不過略嫌唔係好夠凍。 自家製足料楊枝金露：買左增量版，料真係超級多，啖啖都有大大粒芒果、西米同柚子肉都算多，甜而不膩，非常推薦。 新鮮水果杯 ：有西瓜、蜜瓜、哈密瓜、蘋果、橙等等，種類豐富。 12星座果汁：呢個係鋪頭既特色，絕對要試下。我就叫返我自己個星座、處女座（本身係樽裝，但當時無曬就用杯）處女座係檸檬芒果雪梨，微酸但難得清甜，因爲多數芒果汁都會比較甜，但加埋另外兩個水果真係好特別。 如菓愛心脆果杯 ：有三款水果選擇，見蜜瓜比較特別就叫左蜜瓜。底下係蜜瓜汁，之後係cream加玉米片同朱古力脆脆，最上係蜜瓜。非常特別，可以當甜品，但健康過雪糕。個人覺得D cream有D 甜，不過整體都不錯。