豐受居酒屋

Open Now

Now Closed

一間非常有誠意的居酒屋，話說有一日想去鴻圖道食點心，經過見到啱啱新開的一間居酒屋，心諗唔知伏唔伏入去試下先，跟住入去點咗個午餐蕃茄牛肉烏冬配一個野菜薯餅小食，我老婆就叫咗個麻醬雞肉烏冬，點知........真係好食到冇得彈，烏冬班牙爽口，不過呢樣都唔係最緊要，最緊要係個蕃茄湯底最有誠意，一食就知唔係用番茄膏開嘅，呢個烏冬我食到連湯都飲埋，另外一個麻醬雞肉烏冬都係好好食，但係感覺就比較普通冇乜特色，薯餅亦都係我最鍾意食嘅小食之一，配沙律醬都好正，不過因為晏晝食lunch嘅關係所以冇叫太多嘢食，下次一定要夜晚去再試下！