Video
Read full review
2018-02-22
563 views
好朋友帶我去食飯，去到陌生的土瓜灣區，左穿右插，終於來到一間日本餐廳前。朋友話呢間係隱世好餐廳，一定要帶我來一試。食物當然由朋友發板，我就負責欣賞下店內的環境。裝修算不上很華麗，但有種溫馨小店的感覺，滿滿的日本風。原來朋友仔一早已經為我地安排好今晚的餐單，睇嚟佢同老闆都有一定交情。老闆馬上攞嚟一隻新鮮靚龍蝦，係南非玫瑰龍。花紋好靚好特別，好新鮮好活躍，頭和身的比例剛好1:1。聽老闆介紹，原來呢款南非玫瑰龍係好矜貴的食材，僅次於法國藍龍。同時，店員奉上前菜沙律，係黑芝麻豆腐配海葡萄。個黑芝麻豆腐幾特別，係接近蜂巢豆腐的質感。緊接着的刺身拼盤令我哋驚艷。剛剛紮紮跳的龍蝦已成為刺身呈上，仲有三款新鮮的生魚片。愛爾蘭有機三文魚，味道較淡但後勁凌厲。赤身，未到較濃，少少腥，有咬口。油甘魚，甜美鮮香。龍蝦半透明，非常爽口。 打開黑頭，可以見到滿瀉的金黃色龍蝦膏，味道好甘香。燒鱸魚，肉質頗滑的，而且魚味濃郁，越食越有勁。美國安格斯牛扒抽真空包裝，大廚特登拎出嚟show俾我哋睇，證明佢哋貨真價實。上枱時熱辣辣又香噴噴，牛肉的脂油香氣散發在空氣當中，令人流晒口水。靚牛扒需要好的師傅先能夠發揮到魅力，表面
食物當然由朋友發板，我就負責欣賞下店內的環境。裝修算不上很華麗，但有種溫馨小店的感覺，滿滿的日本風。
原來朋友仔一早已經為我地安排好今晚的餐單，睇嚟佢同老闆都有一定交情。
7 views
0 likes
0 comments
老闆馬上攞嚟一隻新鮮靚龍蝦，係南非玫瑰龍。花紋好靚好特別，好新鮮好活躍，頭和身的比例剛好1:1。聽老闆介紹，原來呢款南非玫瑰龍係好矜貴的食材，僅次於法國藍龍。
9 views
0 likes
0 comments
同時，店員奉上前菜沙律，係黑芝麻豆腐配海葡萄。個黑芝麻豆腐幾特別，係接近蜂巢豆腐的質感。
6 views
0 likes
0 comments
緊接着的刺身拼盤令我哋驚艷。剛剛紮紮跳的龍蝦已成為刺身呈上，仲有三款新鮮的生魚片。愛爾蘭有機三文魚，味道較淡但後勁凌厲。赤身，未到較濃，少少腥，有咬口。油甘魚，甜美鮮香。
10 views
0 likes
0 comments
龍蝦半透明，非常爽口。 打開黑頭，可以見到滿瀉的金黃色龍蝦膏，味道好甘香。
8 views
0 likes
0 comments
燒鱸魚，肉質頗滑的，而且魚味濃郁，越食越有勁。
美國安格斯牛扒抽真空包裝，大廚特登拎出嚟show俾我哋睇，證明佢哋貨真價實。
9 views
0 likes
0 comments
上枱時熱辣辣又香噴噴，牛肉的脂油香氣散發在空氣當中，令人流晒口水。
10 views
0 likes
0 comments
靚牛扒需要好的師傅先能夠發揮到魅力，表面剛好燒香，內裏半熟，每一啖咬落去都係充滿着肉汁，好美味。
10 views
0 likes
0 comments
食到八成飽，竟然仲有驚喜。昆布湯烏冬，加入龍蝦，先嚐美味的蝦膏，再飲啖清湯。清湯又清又甜，但又帶點鮮味。
12 views
0 likes
0 comments
最後的甜品係一個好完美的句號，為我地帶來最後一浪高潮。牛乳芝士餅以為會好膩，但原來係咸咸地的，芝士好濃好香。點砂糖就能帶出牛奶味，好神奇。
7 views
0 likes
0 comments
小小的舊區小店，睇落唔多起眼，原來隱藏高質的食材和對和食十分執着的老闆與大廚。龍蝦牛扒套餐，兩人埋單$1500不加一，性價比係幾高，係一個執到寶的晚上。
Post
