Video
Read full review
2018-12-16
269 views
肥妹仔好多時經過太子砵蘭街都會見到呢一間餐廳，佢嘅外貌睇落去好似食中菜，因為佢嘅裝修好中式化，充滿古色古香，但係原來揭開佢嘅menu睇係食西餐嘅，咁樣真係吸引到肥妹仔去試一試啦。荔枝芒果熱情果茶 $40呢一杯可茶飲落去好香荔枝芒果同熱情果味，真心覺得調得不錯。雲呢拿朱古力 $36同行嘅朋友怕凍所以叫咗杯熱朱古力飲。 佢嘅朱古力味亦算香濃。熱檸檬茶 $28露筍溫泉蛋沙律 $98呢一個露筍溫泉蛋沙律入面有沙律菜，鮮嫩嘅露筍，再加上一隻溫泉蛋，淋上沙律醋，食落去味道好夾好fresh，沙律菜新鮮，露筍煮得剛剛好。煙三文魚莎樂美腸pizza $128呢一個pizza餅底做得不錯，係薄身餅底，食落去唔一啲都唔厚粉。而佢嘅煙三文魚同莎樂美腸分量都幾多，每一啖pizza都食到三文魚同沙樂美腸嘅味道， pizza焗得香脆可口。龍蝦忌廉汁意大利飯 $108佢嘅意大利飯煮得剛剛好，唔會太淋，亦都唔會太硬。而佢嘅龍蝦忌廉汁煮到好creamy，好香白汁味，每一粒飯都沾上忌廉汁，食落去好smooth好silky， 龍蝦汁味亦都好濃。配料有青口，大蝦，帶子，八爪魚等等，非常多料，而且每一種海鮮都好新鮮。蒜
肥妹仔好多時經過太子砵蘭街都會見到呢一間餐廳，佢嘅外貌睇落去好似食中菜，因為佢嘅裝修好中式化，充滿古色古香，但係原來揭開佢嘅menu睇係食西餐嘅，咁樣真係吸引到肥妹仔去試一試啦。
荔枝芒果熱情果茶 $40
呢一杯可茶飲落去好香荔枝芒果同熱情果味，真心覺得調得不錯。
雲呢拿朱古力 $36
同行嘅朋友怕凍所以叫咗杯熱朱古力飲。 佢嘅朱古力味亦算香濃。
熱檸檬茶 $28
露筍溫泉蛋沙律 $98
呢一個露筍溫泉蛋沙律入面有沙律菜，鮮嫩嘅露筍，再加上一隻溫泉蛋，淋上沙律醋，食落去味道好夾好fresh，沙律菜新鮮，露筍煮得剛剛好。
煙三文魚莎樂美腸pizza $128
呢一個pizza餅底做得不錯，係薄身餅底，食落去唔一啲都唔厚粉。而佢嘅煙三文魚同莎樂美腸分量都幾多，每一啖pizza都食到三文魚同沙樂美腸嘅味道， pizza焗得香脆可口。
龍蝦忌廉汁意大利飯 $108
佢嘅意大利飯煮得剛剛好，唔會太淋，亦都唔會太硬。而佢嘅龍蝦忌廉汁煮到好creamy，好香白汁味，每一粒飯都沾上忌廉汁，食落去好smooth好silky， 龍蝦汁味亦都好濃。配料有青口，大蝦，帶子，八爪魚等等，非常多料，而且每一種海鮮都好新鮮。
蒜香蜆肉露筍白酒煮意粉 $98
每一次肥妹仔如果見到都一定會嗌嘅意粉，佢嘅蒜香白酒汁超濃，超好食，每一條意粉沾上蒜香白酒汁，食得出好香嘅蒜香味，蜆肉肉質都算大隻新鮮。
安格斯t骨扒 $380
萬眾期待嘅安格斯t骨扒，配料有薯角，洋蔥圈同新鮮沙律菜。我哋叫咗五成熟，安格斯t骨扒肉質非常嫩滑，好香牛味，而且佢嘅熟嘅程度拿捏得剛剛好，唔會煮得太柴。
黑加侖子青檸薄荷 $36
珍寶帶子墨汁意粉 $108
肥妹仔我其實對墨魚汁係有一種情意結，因為肥妹仔之前食過一個墨魚汁意粉係好香海鮮嘅味道，而今次呢一個墨汁意粉亦唔差，真係有墨魚嗰種獨特嘅鮮味，而佢嘅帶子好大隻，好厚身，煎得香脆，食落去啖啖肉，意粉煮得剛剛好，軟硬適中。
Post
