YOLO Cafe & Bar (Closed)

旺角好多間cafe我都試過晒，見呢間新新地嘅yolo cafe & bar仲未試過，就約朋友收工過黎食嘢吹水。本身我以為都係一般個d cafe小清新風，點知唔係喎！入到嚟覺得d燈光好有格調，有霓虹燈同埋七彩繽紛嘅燈光，自己張枱仲會有一個細嘅波波燈，感覺幾新鮮！食物方面，我地揀左三樣野：慢煮溫泉蛋卡邦尼意粉、焗芝士忌廉溫泉蛋大啡菇、佛羅倫斯班尼迪蛋。由於太中意食溫泉蛋嘅關係，我地原來叫咗三樣野都係有溫泉蛋😂而且每一個溫泉蛋都係煮得啱啱好，勁流心，蛋汁香濃。每次切開隻蛋見到d蛋黃流出嚟都有勁興奮勁滿足嘅感覺😍三樣野都好好味，我最中意就係焗芝士忌廉溫泉蛋大啡菇，大啡菇好juicy, 佢d菇味加埋蛋漿，有少少覺得飲緊蘑菇湯嘅感覺。中間夾住一d蔬菜，成個組合加埋好清爽，唔油膩！食完嘢緊係同朋友打下卡啦！呢度好多打卡位，好靚。而且好有空間感，唔會覺得要同人迫同人爭先影到相。可以真正休閑舒適咁食野影相☺️同埋原來呢度仲會定期換明星嘅主題架！