少爺18 (Closed)

昨晚去新城市廣場吃晚飯，見到間間食肆都大排長龍，忽然見呢間餐廳不用等位，就匆匆入內吃晚飯。因為有啲趕時間，所以隨便叫咗幾個小菜，再加碟菜和炸蠔餅，點知就中伏。蠔餅送到， 見蕉葉上滴滿油，已心知不妙，點知一口咬落，滿口都係油，簡直肥到漏油，最後唯有揀幾隻蠔仔食咗算數，可惜一碟裏面，蠔仔數量有限，這碟蠔餅，係我食過最肥膩嘅蠔餅，幸好其他小菜則不過不失，才勉強可以吃完這餐晚飯。食完呢餐，我諗暫時都唔會再嚟，要嚟都一定唔會order呢間餐廳嘅油炸食物。