沖繩二段料理 (蕪湖居)

Open Now

Now Closed

今日去咗黃埔 Antoshima Cafe & Bakery 食飯，點咗兩個午餐定食。期間限定有溫泉蛋柚子肉味噌蒸飯配蜜糖芥末雞，沖繩海鹽焦糖冬甩雪糕，凍烏龍茶。另一個係明太子撈烏冬鍋，南蠻雞，冬甩雪糕，熱烏龍茶。蒸飯和烏冬嘅份量都剛剛好。柚子肉味噌蒸飯，一個飯有兩種味道，包括柚子皮嘅獨特苦澀味，同埋味噌嘅香味。可能要平衡柚子皮和味噌嘅味道，味噌肉嘅醬汁相對比較少，如果多醬汁就會更加好味。😂😂明太子撈烏冬啲明太子好鮮味，個醬汁又同烏冬融合得好好，非常好味🤤🤤至於炸雞都唔錯，未算好脆口，但肉質是嫩的，加上蜜糖芥末醬，甜甜哋好食。適逢做緊優惠，可以加$10有大阪燒醬雞軟骨餃子4隻。🤩🤩輪到飯後甜品，喺呢間店嘅名物，冬甩煙煙韌韌，配埋雪糕，同不會很甜的焦糖，是一個不錯的配搭。值得一題佢嘅QR code訂餐可以設定甜品後上，非常細心值得一讚。午餐定食有4款食物，確實性介比高，所以都係滿曬座。