金壘餐廳

Open Now

Now Closed

朋友琴日生日一行四人嚟咗金壘餐廳食飯，星期五晚市八點都唔算多人，出面都幾多車位可以泊車。在場有食煙朋友，但七月咁熱咁梗係坐室內啦，不過佢哋出去食煙話戶外有冷風機吹住都唔熱喎！講返食物先，嗌左朋友話必叫嘅招牌德國咸豬手（炸），啖啖肉但略嫌咸左少少，所以唔落醬都好夠味！之後嗌左周打蜆湯同龍蝦湯兩款湯，周打蜆湯無得輸，入面勁多蜆好足料。因為想試多d嘢食嘅關係，我哋係叫全部係小食，除咗蒜香蜜糖雞翼同沙嗲雞mix豬串燒normal 正常發揮，法國鵝肝、肉醬焗薯皮同牛肝菌松露意大利雲吞我哋一致都話好食，下次嚟都會再encore！最後餐廳好好service ，Waiters 會主動斟水換碟，經理有問d嘢食O唔OK！