Video
Read full review
2022-10-20
772 views
近期好多人去潮拜嘅 BluHouse 有分兩邊，一邊係比較 Food Hall 風格，我地今次去左嘅係另一邊：The Dining Room by BluHouse，係比較餐廳風格，入面環境好寬敞舒適，當時佢仲可以畀我地自帶一枝酒，咁我地就揀左嚟自 Cos d’Estournel 嘅 Pagodes de Cos，一枝味道上比較有份量嘅法國酒。 佢本身有晚市套餐嘅選擇，但係我地最後都係揀左 à la carte , 睇下睇下.... 最後叫左小牛全餐 先嚟頭盤揀左 Battuto di Vitello Piemontese 韃靼小牛肉（Veal Tartare），餐廳用嘅小牛肉係嚟自意大利西北部 皮埃蒙特（Piedmont），係一個出名出產高質牛嘅產區，肉味濃而且脂肪相對地低，用嚟造 韃靼 係最好不過，配上 Ricotta 芝士，上面仲加左菊芋同魚子醬，一次過就已經食到好多唔到嘅味道同口感。 之後 pasta 就揀左佢地嘅招牌菜 Cappelli Alla Genovese，佢地自家制嘅小牛 Cappelli 意大利麵配洋蔥汁、Provolone del Monaco 芝士、雞油菇
佢本身有晚市套餐嘅選擇，但係我地最後都係揀左 à la carte , 睇下睇下.... 最後叫左小牛全餐
先嚟頭盤揀左 Battuto di Vitello Piemontese 韃靼小牛肉（Veal Tartare），餐廳用嘅小牛肉係嚟自意大利西北部 皮埃蒙特（Piedmont），係一個出名出產高質牛嘅產區，肉味濃而且脂肪相對地低，用嚟造 韃靼 係最好不過，配上 Ricotta 芝士，上面仲加左菊芋同魚子醬，一次過就已經食到好多唔到嘅味道同口感。
Battuto di Vitello Piemontese
19 views
0 likes
0 comments
之後 pasta 就揀左佢地嘅招牌菜 Cappelli Alla Genovese，佢地自家制嘅小牛 Cappelli 意大利麵配洋蔥汁、Provolone del Monaco 芝士、雞油菇 同埋 粟子 再一次係 味覺同口感嘅多重享受，特別喜歡佢上面加左粟子，好香得嚟又有完全唔同嘅口感。
Cappelli Alla Genovese
27 views
0 likes
0 comments
主菜就揀左 Costoletta di Vitello Alla Milanese， 米蘭風小牛扒，用嘅都係皮埃蒙特小牛， 而米蘭風其實即係 炸薄切扒 嘅意思，成塊面咁大嘅連骨小牛扒，放入薄薄嘅雞蛋同麵包糖之後炸熟，夾埋芝士同火箭菜， 講真其實真係好耐無食過 近乎 well done 嘅牛扒，始終係熟左，同脂肪比較少同埋薄，肉味就一定無好似平時扒房鋸扒咁爽喇，但係炸到剛剛好， 好脆好香嘅肉又係另一番風味。
Costoletta di Vitello Alla Milanese
21 views
0 likes
0 comments
最後甜品就揀左 Tiramisu al Pistacchio， 係一杯 Tiramisu 上面加左一塊有開心果嘅脆脆，同佢其他菜色一樣， 都係用一啲脆嘅野加入一啲軟嘅野度增加層次同口感，佢呢個 formula 基本上都無乜輸喇，呢個都係水準之上。
Tiramisu al Pistacchio
16 views
0 likes
0 comments
點菜嘅時候，本身仲諗緊驚唔夠食要加單，最後係飽到不能。 如果考慮到環境、質素以及份量，雖然唔算平，但都算抵食。
Post
