韓珍 (帝國中心) (Closed)

本身plan好咗嚟食韓式烤肉，因為香港好似比較難搵到正宗嘅韓式菜而且價錢又唔會太貴。朋友推介之下所以就嚟食，點知原來午餐只有定食係冇得烤肉嘅。不過都有意外驚喜。我嘅午餐定食選擇大概就70零至$100鬆啲。好食之餘，又食得飽肚。好彩之前訂咗位，準時開門嚟到，已經排晒長龍等入咗座無虛席。真係有店員係韓國人，樓面同事唔多，但都好快手。今次嗌左韓式炸醬麵，同埋燉牛肋肉。兩樣都好好食，而且都係上枱熱辣辣嘅，尤其是係個牛肋肉，真係同韓國食到嘅一樣。份量十足，唔會剩係得啲骨，味道甜甜地，可以做到骨肉分離嘅效果好方便食用。跟餐佢有配牛肉大醬湯，或者辣海鮮豆腐湯，本身對呢啲同期望都唔太高，點知喜出望外。好足料，真係有海鮮味道鹹辣適中，豆腐又滑！而炸醬麵都好有韓國食到嘅感覺，難得係香港都食到唔太貴又夠正宗嘅韓國菜，非常滿意。