Video
Read full review
2025-01-14
299 views
難得周末休息，去咗間西餐廳食brunch，非常高質。喺中環H Queen二樓，New York Cut嘅格局，無論係裝修、樓底、枱同枱之間嘅距離，都係高級嘅扒房設定。上到嚟仲見到有唔同嘅美酒擺設，基本上未食都知係高質素。唔好以為咁高級嘅餐廳一定好貴，而家餐廳一周年紀念，除咗晚市四送一，而家brunch可以任食New York Strip (係任食!) ，都只係$408一位，另加$158仲有埋紅白汽酒free flow。老實講平時一塊扒都幾百，呢個brunch真係好抵食。先睇wine。氣酒係Chiaro嘅Prosecco，Extra Dry其實係指仍然有一定甜度，所以飲落亦算順滑，亦都帶有yeasty味。白酒係Shearwater Sauvignon Blanc，紐西蘭嘅清爽白酒。大約有gooseberry同少少青草氣息，係一支萬用嘅海鮮白酒。至於紅酒，係Wakefield Estate嘅Merlot，嚟自澳洲Clare Valley。香氣非常誘人，好多cherry味，輕身易飲，襯扒亦有奇效。講番嘢食。個Brunch set係有得揀牛肉他他或龍蝦湯。牛肉他他嘅胡椒味好足，亦有洋蔥提升他他
喺中環H Queen二樓，New York Cut嘅格局，無論係裝修、樓底、枱同枱之間嘅距離，都係高級嘅扒房設定。上到嚟仲見到有唔同嘅美酒擺設，基本上未食都知係高質素。
唔好以為咁高級嘅餐廳一定好貴，而家餐廳一周年紀念，除咗晚市四送一，而家brunch可以任食New York Strip (係任食!) ，都只係$408一位，另加$158仲有埋紅白汽酒free flow。老實講平時一塊扒都幾百，呢個brunch真係好抵食。
先睇wine。
氣酒係Chiaro嘅Prosecco，Extra Dry其實係指仍然有一定甜度，所以飲落亦算順滑，亦都帶有yeasty味。
白酒係Shearwater Sauvignon Blanc，紐西蘭嘅清爽白酒。大約有gooseberry同少少青草氣息，係一支萬用嘅海鮮白酒。
至於紅酒，係Wakefield Estate嘅Merlot，嚟自澳洲Clare Valley。香氣非常誘人，好多cherry味，輕身易飲，襯扒亦有奇效。
講番嘢食。個Brunch set係有得揀牛肉他他或龍蝦湯。牛肉他他嘅胡椒味好足，亦有洋蔥提升他他的味道。龍蝦湯就足夠濃，典型高級扒房嘅龍蝦湯水準。
當然最重要其實係塊New York Strip。作為高級扒房，我最欣賞佢嘅係成熟度。理所當然指定medium rare，佢能夠將每一塊咁厚、脂肪度唔算高嘅上腰肉，都整到呢個水平，其實一啲都唔容易。
另外佢亦都有提供蒜蓉汁，其實以呢塊扒嘅水準我覺得唔落汁淨係加鹽亦都足夠好食，當然要留意Strip嘅食法同肉眼唔同，比較着重佢嘅肉質同牛味，而佢嘅牛味配合埋佢嘅炭香，明顯就係高級扒房先做到嘅效果。我哋每人都叫咗三塊，水準依舊地高。
另外佢亦都配埋茄汁通粉POMODORO PENNE或蒜香意粉A.O.P. CHITARRA，亦各有特色。
最後一定要講埋個甜品。由於牛扒嘅味道好濃，佢會故意襯返一個好濃嘅朱古力軟雪糕，個人覺得個效果非常好。
呢個brunch，可以對住中環嘅大街慢慢嘆牛扒，水準又高，襯埋唔同種類嘅葡萄酒、前菜同甜品，令人可以真正高級地relax吓！
Post
