滝壽司 (Closed)

夜晚收工想搵個地方靜靜地食飯傾吓偈，揀咗呢間位於銅鑼灣鬧市區嘅滝壽司，晚市主打Omakase，安排咗我哋坐bar枱，可以一邊欣賞師傅點處理啲食材，一邊享受吓寧靜嘅Fine Dining🙆🏻‍♀️前菜係帶少少梅味酸酸地嘅水雲，酒煮彈牙嘅榮螺，非常之甜嘅北海道粟米同埋經炙燒過嘅赤海蝦，開胃一流😋石門貝壽司，壽司飯係師傅手控，適中唔會散開又唔會有硬，師傅會係上菜前先拍一拍個石門貝，係佢收縮緊時候就要即刻食，十分爽口👍鱸魚刺身比較清淡肉質柔軟，另一個係鱸魚壽司加炒香烏魚子，另一種味道，油香濃厚😋北海道帆立貝壽司中間夾住蒸過嘅紫海膽，肥美同2個食材嘅味道都好夾🫶🏻池魚配自家製無花果做嘅酸汁加磨碎芝麻，食落去完全冇魚腥味🙆🏻‍♀️赤海膽下面係壽司飯，清淡甘甜😋底下係渡蟹嘅蟹肉蟹膏配日本白桃蛋黃醬，質感係似他他咁🤣第一次食竹籤魚壽司，表白經炙燒釋放魚油，但食落去唔油又唔柴👍燒劍魚配魚子醬加橡木煙燻，一打開好香嘅煙燻味，劍魚質感厚實，燒到有少少焦香，咁多道菜宜個最出色😍用發酵過米康醃製胡麻青魚，有類似清酒果種酒味，幾特別！海鮮清湯，用蝦蟹熬嘅湯底，有蟹肉、蜆肉同九繪魚，係九州班科魚，清甜消除油膩感👍🏼