鍋心海鮮火鍋 (Closed)

鍋心海鮮火鍋觀塘馬蹄徑5號寶峰大廈地下及1樓之前已經試過幾次鍋心既粥底火鍋，覺得好好食，今次專登黎觀塘試下鍋心海鮮火鍋，顧名思義呢度當然係以海鮮做主打啦，身邊好多朋友黎幫襯過都極力推介，趁今日得閒當然都要約埋朋友黎試下啦我地2個人，揀左龍蝦餐同埋肉蟹餐各一份，除左呢兩款主打海鮮之外，仲可以揀多5款海鮮，我地分別揀左鮑魚，蟶子，大蝦，大尾魷，大蚌。龍蝦，肉質彈牙又大隻，爆晒膏咁，睇見都流晒口水；肉蟹，估唔到真係啖啖肉，食落好鮮味；蟶子同大蚌都好新鮮，鮑魚上檯既時候仲識郁架，淥熟咗入口好彈牙，呢到真係岩晒鐘意食海鮮既朋友除左海鮮之外，其他火鍋配料既質素都好高，我地仲點左炸魚皮，響鈴卷，魚皮餃，午餐肉，芝士丸，貢丸同埋肥牛。。如果都未夠飽唔緊要，餐廳仲提供出前一丁，超力米粉，福字米粉同埋印尼撈麵，緊有一款岩你食既，我自己就最鐘意印尼撈麵，所以見到呢到都有得食勁驚喜，我地總共食左3個。。今晚真係食到好飽好滿足，下次一定會再叫埋屋企人再黎幫襯