Chef's Stage Kitchen (西菁街)

Open Now

Now Closed

之前經過呢間餐廳覺得好靚，同埋好多位，夜晚入面啲燈仲好靚，一直都好想試但係都冇機會，今次終於食到了。叫咗個二人餐，餐湯係黑松露牛肝菌湯同埋龍蝦湯， 牛肝菌湯超濃郁夾雜住少少黑松露味非常之夾，龍蝦湯就有陣陣龍蝦味，睇得出應該用咗好多龍蝦殼去煮，餐包配個酸酸地嘅醬都幾好食。頭盤係法式生牛肉他他配鵪鶉蛋及法包，本來都有dd驚食生牛肉但係個他他有洋蔥味食落都ok個法包仲有蒜蓉味幾好食又好脆。主菜係牛扒配龍蝦尾，牛扒七成熟，睇落都幾大塊，一啲都唔韌仲好容易切開，又有牛味，牛扒我好滿意，龍蝦肉好厚好彈牙好爽口仲有個焗薯都好好食， 千層麵好有芝士味仲有好多肉醬， 嚟到呢度已經好飽食唔曬。飲品叫咗熱朱古力同埋偽鴛鴦，杯熱朱古力真係好有心思，竟然仲有拉花，杯偽 鴛鴦係tiramisu味，幾特別，面頭有三粒咖啡冰所以飲到尾都仲好濃。整體黎講 今餐飯質素高 對得住價錢下次有節日慶祝 會再黎食！