露天池畔餐廳

Open Now

Now Closed

和友人在中環shopping完，突然心血來潮想食buffet，但當時已差不多七點，金鐘三寶已食到悶，同埋公眾假期實滿座，想起Grand Haytt 既The Grill，天氣不太熱，BBQ都幾好，即刻打去又有位喎，開心到震，飛的士5分鐘即到。一出lift的感覺好大自然好悠閒，好有渡假feel，走過一排樹蔭後到達露天池畔，座位不多，多數是細檯，大概已坐了一半人，不嘈雜，很好。坐下不久服務員已送上麵包，外脆內軟，內裡微暖，好好味。見到個沙律吧就好興奮，有大概十幾種選擇，材料好新鮮，樣樣都好好食，尤其係芒果沙律，芒果鮮甜無比，大大件芒果肉，配埋醬汁味道好夾。亦有多種配料供你自己配搭，可自由發揮。攻完一輪沙律後轉戰凍海鮮：已去殼蝦，龍蝦，枇杷蝦，蟹爪蟹”kim”，翡翠螺等等，種類不及傳統buffet多，味道中規中舉。跟著是BBQ吧，有兩位廚師輪流負責燒烤，燒好放在碟內，另外有一位會負責夾食物給客人。食物種類有：大蝦，魷魚，沙甸魚，三文魚，其他唔知咩魚（好大條），羊架，牛仔骨，豬扒，多款香腸等等。海鮮燒得好好味，反而肉類普通，到最後才出現牛柳和豬腩肉，兩樣都好好味，可惜我個胃已沒有quota了。