麻辣小聚 (93WYS) (Under Renovation)

麻辣小聚有好多間唔同嘅分店，今次就嚟到佢哋觀塘偉業街分店，地理位置都相當之方便。餐廳主打以四川香料炮製多款唔同美味菜式，而佢哋嘅火鍋放題都非常受歡迎。難忘酸菜魚鍋多個鍋底當中，我哋最喜歡就係呢一個酸菜魚鍋，本身同朋友唔食得太辣，佢呢個酸辣嘅味道就最啱我哋。麻辣小龍蝦麻辣小龍蝦都好麻、好辣，不過我唔係好食得辣，但都忍唔住食多咗幾隻，鍾意食辣嘅人一定會停唔到口。千層薑汁糕、宮廷棗皇糕中式點心都好吸引，千層薑汁糕有少少薑味，宮廷棗皇糕就夠晒香甜。澳洲M5和牛、安格斯肥牛打邊爐肉類方面都有唔同嘅選擇，牛肉方面我覺得都幾有質素，和牛同肥牛都係我嘅推介。