山梨花野 (Closed)

🗻 吉列素豬扒富士山飯（菠菜汁）@Hanano_Veg 🗻尋日咁岩有事要去新蒲崗，於是就順便去咗喺Mikiki 嘅山梨花野午餐。店舖設計以櫻花同富士山為主題，充滿日本風情，風格好夢幻，女生一定喜歡！🌸💕 我大概兩點幾到，唔洗等位。店內當時有兩枱客。靜靜的好舒服。餐廳可以自己 Scan Code 落單，我一心係嚟食吉列素豬扒，就點了吉列素豬扒富士山飯，而且好快就上菜了。食物擺盤精美，富士山碟豆花飯好可愛，配上菠菜汁美味又有營養，睇得出非常用心。吉列素豬扒外面酥脆內裏非常鬆軟，配上芥辣醬好好食，一試難忘。😍食物色香味俱全，份量足。因為我唔習慣每餐食太飽，所以已經無叫四五品套餐。不過都係食唔晒啲飯。山梨花野不但環境靚，食物味道好，而且服務十分細心親切，真係非常好嘅餐飲體驗。一定會返嚟再食。😋