Video
Read full review
2024-11-07
2019 views
呢間野見，從地段，門口，內籠，到裝修，都大概感受到呢間店走嘅路線都相當平民，完全避開拉麵激戰區，同高檔路線應有嘅配置。不過，以麵論麵，佢絕對唔比d名店差，甚至乎更好。《雞🐓鹽味拉麵🍜》講真，就咁睇賣相都夠晒吸引。如果你有留意開，响日本，特別係東京最有名嘅人氣拉麵店，佢地都有幾個共通點：一，個湯比較清澈。二，個麵排得好整齊。三，配料唔會迫爆碗。以下係食評。香味 (3/5) - 香味比較單薄，除左雞味（應該來自雞油同雞湯本身），近乎冇乜其他香味可言。湯 (4/5) - 如題，就係“非常純粹的雞清湯”。“純粹”呢兩個字並非貶義，對我來講係中性。套用响呢個湯道，我認為好多於壞，因為本身雞味就係討好，堆疊太多其他味道亦不見得好，易被蓋過。另外，雞油嘅運用相當到位，提升左個湯嘅香味同層次之餘，口感亦因此變得更加滑順。湯嘅顏色係一大賣點，係金黃色，我認為望到個湯色，未食都贏左半條街。麵條 (4/5) - 用嘅係細直麵，低加水，感覺上同一蘭選用嗰隻麵好相似。因為個湯唔係濃，所以清楚地食到麵條嘅小麥味，麵同湯配合得好，成件事合情合理。配料 (4/5) - 雞叉燒方面，部位係用雞胸，非常之嫩滑，雞味亦非常
不過，以麵論麵，佢絕對唔比d名店差，甚至乎更好。
《雞🐓鹽味拉麵🍜》
雞🐓鹽味拉麵🍜
$108
113 views
3 likes
0 comments
講真，就咁睇賣相都夠晒吸引。如果你有留意開，响日本，特別係東京最有名嘅人氣拉麵店，佢地都有幾個共通點：一，個湯比較清澈。二，個麵排得好整齊。三，配料唔會迫爆碗。以下係食評。
香味 (3/5) - 香味比較單薄，除左雞味（應該來自雞油同雞湯本身），近乎冇乜其他香味可言。
湯 (4/5) - 如題，就係“非常純粹的雞清湯”。“純粹”呢兩個字並非貶義，對我來講係中性。套用响呢個湯道，我認為好多於壞，因為本身雞味就係討好，堆疊太多其他味道亦不見得好，易被蓋過。另外，雞油嘅運用相當到位，提升左個湯嘅香味同層次之餘，口感亦因此變得更加滑順。湯嘅顏色係一大賣點，係金黃色，我認為望到個湯色，未食都贏左半條街。
麵條 (4/5) - 用嘅係細直麵，低加水，感覺上同一蘭選用嗰隻麵好相似。因為個湯唔係濃，所以清楚地食到麵條嘅小麥味，麵同湯配合得好，成件事合情合理。
配料 (4/5) - 雞叉燒方面，部位係用雞胸，非常之嫩滑，雞味亦非常夠，係近乎完美嘅口感同味道。
豬叉燒方面，似係豬肩肉，切得都相常薄，肉味唔算濃郁。佢上碟時明顯地係留生，粉紅色，如果你浸落個湯道一陣間佢會變熟，以係張圖就係一邊粉紅一邊熟嘅例子。
溏心蛋🥚方面呢，非常好！外表夠光滑，味道夠濃郁，有流心效果，冇得輸。
最後，當然毫無負擔地乜都清晒，份量唔係多，不過對於我比較細食嘅人來講，足夠滿足。
整體 - 值得推薦 👍👍👍👍
Other Info. :
呢間店得三款拉麵，全部都係雞，分別係雞白湯，醬油湯，同鹽味湯。我之前食過醬油湯，我認為鹽味湯比較優勝，不過兩者都係好食同值得推薦，下次我會試埋雞白湯。
(The above review is the personal opinion of a user which does not represent OpenRice's point of view.)
Post
