Pepper Lunch (馬鞍山廣場)

Open Now

Now Closed

呢日黎到馬鞍山食晚飯，試下新野，開左一排既pepper lunch .. 之前就食過尖咀，旺角，沙田，又一城分店，次次都覺得質素唔錯架！今次叫左燒烤汁雞扒拼漢堡扒，套餐價84蚊。鐵板蒜香牛肉意大利麵，套餐價82。首先黎到有沙律同可樂，沙律係杯裝既，可以自己撈沙律醬，再shake 暈佢，幾好玩。一黎當然要兜下佢地，防止痴底嘛，香氣四溢，聞到香味真係胃口大開。個意粉仲有芝士粉響上面，勁正，岩曬芝士怪。牛肉亦岩岩好，唔會太un，但又唔會好似某啲茶餐廳落左鬆肉粉淋曬咁。燒烤汁雞扒拼漢堡扒，有埋薯容，好好味好香牛油味，亦好幼滑。仲有粟米粒同豆亦係加分位，粟米既出現完全係畫龍點睛。跟餐仲有杯雪糕，叫左芝麻雪糕，好似芝麻糊既味咁，不過不失。