居食屋「和民」 (Closed)

我上個禮拜喺和民買了外賣，買了兩盒照燒雞扒便當和一份雞肉串燒盛合，返到屋企先發覺佢哋比少盒照燒雞排便當，我立刻打電話比佢哋，應該係由佢哋的經理接聽，佢二話不說立刻話幫我地落返order，仲主動提議佢搵同事送上我屋企俾我，非常貼心，因為我住的屋苑有一段距離，需要搭一程車，所以我婉拒左佢，話我會自己過嚟攞，經理就立刻主動話送兩杯飲品俾我哋，由我地自己揀。今日我再去買外賣，經理記得我，大家都寒暄左幾句。100分的服務態度，經理處理件事亦非常恰當，由一件可能令到顧客不愉快的事情，轉變成為一件客戶會讚佢哋的結果。講返嘢食的味道同質素，樣樣野都幾好食，分量亦啱啱好。