HABITŪ table (Closed)

中午同同事去食lunch，入到去坐低，收銀嗰個店員係咁用粗口勁大聲咁講電話，然後我哋舉極手都無人理。最後我叫左個 carbonara ，超難食，完全無香味，勁油膩，又冇乜味，要自己加鹽同黑椒餐湯蘑菇湯，味道似搵蘑菇煲水，極度難飲餐飲叫左杯凍檸茶，同事叫左咖啡，點知到埋單先話凍飲每人加16蚊，熱飲先唔洗加錢，完全係落單果時無提過。杯凍檸茶淡如水, 又冇茶味每人埋單170起，完全唔值咁嘅價錢，極度不推薦，難怪全場唔多過10人啦。