嘉樂餐廳 (Closed)

之前都講過，因為男友住土瓜灣，所以我成日係依頭搵食。返工前一定食早餐，附近的茶餐廳到街市都試過晒，有一日搵到依度，點知一食就愛上左，一唔食就唔安樂…每次試一間新茶餐廳，一定會叫沙嗲牛麵。坊間的沙嗲牛麵試過唔少，但總係食唔到岩心水的。依度既沙嗲牛麵，非常有驚喜！！好多茶餐廳好鬼小氣，沙嗲牛比得個少少，依度既沙嗲牛肉比得好闊卓，每一條麵都可以沾到沙嗲汁。而且佢地的沙嗲牛肉一d都唔行貨，辣得剛剛好之餘重有一陣淡淡既蒜味。沙嗲牛麵可以搭奄列或火腿雙蛋。奄列蛋皮厚度剛好，重有少少蛋漿，煎成一個完美的半圓形 (唔係誇張！我第一次食都嚇親！)。煎蛋的話都非常唔錯，個型煎得好靚之餘蛋白白雪雪連個底都無焦，唯一美中不足係火腿無煎過，只係墊係煎蛋下面。個包加2蚊可以轉蒜蓉包，我見好多人叫，但我又唔係太好所以作罷。老闆好好笑容，一行入去就會同你講早晨。研究左新野食重會請客人一齊試，氣氛非常好。另，凍飲只係加一蚊！老實講，我真係好耐好耐無見過凍飲只係加一蚊…另二，依度用傳統茶餐廳餐具，即係藍膠碟，麵用『唔碗唔碟』既碟上，照樣無刀得叉同羹。而家好多茶餐廳都唔用，有點可惜。另三，沙嗲牛麵係特餐，如叫早餐ABC只係