居食屋「和民」 (1亞太中心) (Closed)

兩個人本來想打邊爐，但係因為太多人，所以就好隨意咁入咗呢間😹。我哋入咗去，叫咗個幾豐富嘅兩人餐。食物如下！三款刺身刺身感覺好新鮮，一食落去覺得好甜，算係高質素嘅前菜。煎餃子 沙律煎餃子冇咩特別，個味唔會太特別，普通鹹鹹地嘅味。個沙律幾出色，溝埋沙律醬，都值得一試。炸豬扒炸豬扒就好大塊，味道亦都好好。好推介大家試吓！不過食一塊好啦，炸嘢始終適可而止好😜石鍋牛肉飯牛肉飯都係平平無奇，熱就夠熱，但係味道方面真係普通。如果鍾意食熱辣辣嘅嘢，都會覺得幾好嘅。壽喜燒牛肉成個set嘅重頭戲就係壽喜燒牛肉😂佢都係一啲火鍋壽喜燒湯底，然後烚牛肉。所以味道都唔會太出，唔係正宗嘅日本壽喜燒。所以我會覺得中肯，唔會特別推介。