犀牛犀牛 (Wetland Seasons Park) (Closed)

新開不久既台式蛋餅店舖，好懷念蛋餅既味道，仲有烘三文治，一解思念台灣既中情。叫左鮪魚嘢玉米($40)，薯泥培根蔬菜蛋餅($37)，花生醬培根起司蛋餅($32)。蛋餅拎上手好重，每個蛋餅既餡料都好足，由頭食到最後，依然好多餡料。蛋餅唔乾身，好香唔算好油膩。其中，薯泥入口滑，鮪魚玉米量多，湧出黎一樣。全部都熱辣辣，等大約15mins，值得。可以加錢變成set，有飲品、沙律及小食。雞柳大大條肉嫩，外皮炸粉完全唔厚。芝麻醬配雞柳亦唔錯。另一款沙律配芋泥，芋泥帶甜，食唔慣甜沙律，但加入乳酪醬食，還好。如果芋泥係蛋餅既餡，會好好多。雞柳有2大條，同沙律既係一樣，所以食雞柳沙律都幾抵。雞塊肉嫩juicy，炸得脆身，加錢變套餐配小食唔錯。飲品揀左白桃烏龍，走甜果然冇揀錯，因為白桃粒咬開之後，就好甜，而烏龍就中和左。另一杯黑珍珠奶綠都係走甜，黑珍珠用黑糖製作，所以都帶甜，杯身有黑糖花紋，隻杯上面仲有字句。整體，雖然冇枱for堂食，但有座位俾人坐係到得外賣。當日有好多人都買外賣and外賣速遞員添。支持，抵食。