Fat Angelo's (Closed)

尋晚好想食西餐，原本諗住去赤柱，但最終都係近近地喺屋企附近食算。同男友兩人撐檯腳，諗住叫意粉及意大利飯各一及甜品便算。但係俾個二人套餐吸引到，嘢食多到食唔晒。先嚟兩個包加雜菜沙律，麵包用上豬仔包，好大個、好脆但唔夠熱，雜菜沙律份量多。食完呢兩樣嘢都飽咗一半。套餐有：炸魷魚筒、幼龍蝦天使麵、素菜pizza、兩款甜品及凍檸茶無限添飲。炸魷魚筒好好味，果然係推介幼龍蝦天使麵及素菜pizza就一般啦甜品要咗tiramisu及意大利杏仁雪糕（意大利雪糕加berry sauce）Tiramisu好好味，有酒味，又軟又滑。意大利杏仁雪糕就一般啫。三個人食呢個餐都仲得。