大喜屋 (Closed)

呢排愛上放題😂今次走黎銅鑼灣嘅大喜屋dinner,好令我surprise 同滿足。一入去店員幾好禮貌，帶我地入座後，當每次有野上佢會講例如你叫嘅三文魚刺身黎啦，呢啲雖然係細微位，但好令我記得。野食方面，每次放題一定走唔甩刺身、炸物、壽司、燒物等。今次除左叫左我最中意嘅三文魚刺身外，我仲叫左燒三文魚腩壽司🍣，必試呀！今次反而係煮物到叫得特別多：人蔘雞鍋、雪花牛肉鍋😊冬陰功煮海鮮，三道煮物一啲都唔馬虎，首先人蔘雞到好大陣人蔘味，雪花牛肉鍋我覺得係要試，好食好滋味🤤🤤🤤燒物到叫左牛舌，雞翼，燒菠蘿，我個人最中意菠蘿，佢雖然係燒出黎，但菠蘿🍍嘅水份甜味都keep到，炸物到天婦羅一定會叫天婦羅蝦，南瓜天婦羅。最後到甜品，超級愛提拉米蘇，即使知道會肥到好，一定唔走寶，叫左幾轉食😂Overall,呢間嘅大喜屋食物水準很高，態度更令人難忘，呢餐係食到好開心🥳正！