Video
Read full review
2013-09-05
3181 views
呢個餐廳簡直值n個讚！首先、訂枱食飯時、問有關火焰雪山、想知係個甜品去到order就得、定要預訂？對方已好識做地問係未有朋友生日、火焰雪山可以當生日蛋糕、仲建議我們甘多人可以叫磅半、仲仲仲好識做話我們到時食完收晒野就會隔十分鐘送上黎、甘未可以俾個驚喜你朋友囉！哇哇哇！真係諗埋我心中果樣、因為好多餐廳既侍應都會好蠢地走埋黎大大聲問：個蛋糕上得未啊？真係咩驚喜都無晒！ （有時打電話講左唔好提、自己定時定候送上黎都仲係甘 ）入到餐廳就有個值得拎最優秀服務獎既叔叔帶位！哇！我一點都無誇張、佢同另一位叔叔簡直有酒店級水準！因為朋友生日、所以開左支白酒、佢黎到就show下支酒俾我睇下0岩唔0岩先（我實話0岩嫁、哈哈！）之後就叫我試下味先（我都係實話0岩嫁 ）confirm左先酒、佢幫我地倒完就放埋左一邊、我港女黎嫁嘛！港女食飯要做咩丫？諗到未諗到未？未就係影相囉！甘我就想影桶內既酒、因為我坐得遠、就叫個朋友拎起支酒影啦！點知佢又手震、影黎影去都影唔到、個侍應哥哥就好好人甘走埋黎話：我幫你們渣住影啦！！！ 真係值一百個讚！支酒大約分到九杯、我覺得隻味okay接受到、但朋友們話苦餐
首先、訂枱食飯時、問有關火焰雪山、想知係個甜品去到order就得、定要預訂？對方已好識做地問係未有朋友生日、火焰雪山可以當生日蛋糕、仲建議我們甘多人可以叫磅半、仲仲仲好識做話我們到時食完收晒野就會隔十分鐘送上黎、甘未可以俾個驚喜你朋友囉！
哇哇哇！真係諗埋我心中果樣、因為好多餐廳既侍應都會好蠢地走埋黎大大聲問：個蛋糕上得未啊？
真係咩驚喜都無晒！ （有時打電話講左唔好提、自己定時定候送上黎都仲係甘 ）
入到餐廳就有個值得拎最優秀服務獎既叔叔帶位！哇！我一點都無誇張、佢同另一位叔叔簡直有酒店級水準！因為朋友生日、所以開左支白酒、佢黎到就show下支酒俾我睇下0岩唔0岩先（我實話0岩嫁、哈哈！）之後就叫我試下味先（我都係實話0岩嫁 ）
confirm左先酒、佢幫我地倒完就放埋左一邊、我港女黎嫁嘛！港女食飯要做咩丫？諗到未諗到未？未就係影相囉！甘我就想影桶內既酒、因為我坐得遠、就叫個朋友拎起支酒影啦！點知佢又手震、影黎影去都影唔到、個侍應哥哥就好好人甘走埋黎話：我幫你們渣住影啦！！！ 真係值一百個讚！支酒大約分到九杯、我覺得隻味okay接受到、但朋友們話苦
餐廳環境方面：俾相像中好！睇其他食評既相、多數淨係影到張凳、像係人地快餐店用既凳、但去到又覺得okay wor、枱同枱之間唔迫、環境暗暗的但又未至於申手不見五指！長蠟燭加添左唔少氣氛！果晚星期四我地去到唔full！
壽星女話唔想用個腦諗野、所以話俾我們發板、我聽到呢句就當然拿拿林納左個餐牌黎點野食！我黎之前做過功課、見過呢個六人餐幾好、d評語都唔錯！就呢個啦！我們有七個人、加埋整間既火焰雪山、一定夠食！我們點完菜、食食下、有兩個朋友先到、仲要。。。。。。。。捧住個蛋糕！ 另一個朋友就醒！買之前問左我先、否則就有三個蛋糕！-_-你們買完又甘大摇大擺甘拎住走入黎、一點驚喜都無囉！算啦！你們果個就當生日禮物甘送俾佢啦！呵呵！今晚我們要吃火焰雪山
食物方面：1. 蒜蓉包
一般可能會諗點解蒜蓉包都要特別當一道菜寫上餐牌
但食完之後、我真係覺得要特別推介一下！
個包好脆卜卜、好好味！配上牛油（唔係硬到切唔開果隻、係勁滑勁易查）真係好香！
我呢d平時當然醒目留肚食其他野、點會食包、但今次食左兩塊！ 因為我覺得第二度唔會食到甘好味既蒜蓉包
2. 田園沙律
好多食家都盛讚個沙律、所以簡直係信心保證！黎到見到個樣、無失望！沙律堆到好高、好足料喎！最重要。。。唔係淨係得菜！！！！好多水果、仲有我心愛既水蜜桃
可惜我成餐飯既開頭唔記得左搞緊乜、頭盤都食得勁少
3. 蒜蓉扒大蝦
個名有點奇怪、點解叫 “蒜蓉扒”呢？我真係第一次聽！加上蝦、不是我最愛、食起上黎又煩、我本來不太期望、想唔食添呀！
但朋友夾到俾我、又費事夾番俾人、俾下面嘛！
哈！又幾好味喎！啖啖肉、每人試過一隻、都仲有淨、份量適中
4. 波菜煙肉蛋麵
呢個我睇完其他食評後、加上個名、我都期待已久
可惜驚喜不大！好像大般忌廉意粉甘無乜特別、再加上味道比較淡、溝埋波菜同煙肉都乜味、普普通通！
5. 意式燴海鮮飯
特登講完個麵、先講呢個飯！因為呢兩道一齊上、我們都覺得個飯好味好多
相比淡某某既麵、呢個飯就好濃味、d 飯加左汁後亦無搞到淋baebae喎！食落口粒粒飯都分明、可能煮個陣都比較生、煮得唔過熟、淋埋d汁剛剛好！
真係好懷念個飯啊！！
好納。。。食到呢度、我地有個稍長既空檔！差點以為無晒野食 （雖然我們都飽飽地、同埋我知要留肚食火焰雪山、嘻嘻！）我們都話：記得好像有個pizza嫁喎！但因為餐牌收左、大家都疑惑中！算啦！繼續吹水啦！吹左陣、又無動靜？又係度講話有無pizza嫁？唔知係未幾個女仔聲浪太大、個超好人侍應叔叔拎左個餐牌過黎、問我地係未個pizza未黎？ 服務態度好到呢~
6. 莎樂美香腸簿餅
之前睇其他食評好壞參半、睇個樣都得得地、但食左一淡後、我可以好肯定同你講、係難食！！！！！
拿！我呢、就從來都唔歧視簿批既！皆因我都食過好正既簿批pizza
但係呢、呢個係緊難食！個底係硬到爆、好脆（非讚美！爽脆pizza好恐怖）好像未焗完甘！上面d餡得個咸字、
我變左喇！我竟然會浪費食物喇！因為得番最後一小塊pizza時、佢地慣例則我食、但係甘難食既野、加上我好飽、仲有火餡雪山、我就提議一個朋友食左有餡既下半塊、個餅底無食、之後有朋友吉個餅底食、我講左好多次：無食啦無食啦！無夾硬食！但佢話：我okay、接受到、另一個朋友話：唔好哂唔好哂
7. 壓軸 - 火焰雪山
收晒d野後、我就滿心期待！個侍應終於捧住個蛋糕出現、問邊位生日、我即指住隔離果個、正啊！坐係壽星女隔離影得個火焰雪山好清楚
一開始係無火既、係一個好普通既蛋糕、佢俾我地慢慢影相、吹蠟燭先！
之後佢就拎住d火黎、唔明點解可以裝住d火？？？倒完真係好正呀個樣！我地就不停影個蛋糕同壽星女啦！但就趕唔切全部人同燃燒中既火焰雪山影相、因為個火都息得好快、所以大家最好排好個陣先、一有火就影！
由於當日小女負責切餅、切到最後自己果份裡面已無乜蛋糕、只食到有酒、棉花糖、對於一個蛋糕黎講、佢個囗感有點怪怪！仲有好多蛋白囉！但勝在夠特別！我朋友好鐘意好有驚喜、我都好開心！
今晚大家有講有笑、一消工作上的疲憊！我們數數手指、都識左五年了！時間過得好快！慶幸大家仲係甘friend甘close、最重要係甘kai
餐廳都洋溢住我們既笑聲、坐到好夜、都有點嘈、 希望下一次帶朋友黎慶生都會甘愉快！
Post
