DENIM CAFE (Closed)

好耐未試過喺一間咁高質素嘅小店食嘢，所以決定寫一篇食評支持下佢哋，希望喺疫情之下，佢哋可以堅持落去💪🏻💪🏻💪🏻我今日係星期日中午幫襯嘅環境方面：裝修係用牛仔嚟到做主題，裝修別緻，環境好好，令人有好舒服嘅感覺食物款式和價錢：午餐嘅選擇好多， 價錢非常合理，週末都有set lunch食物： 今日我哋叫咗一個牛魔王漢堡＋一個重量級全日早餐。 個餐送咗餐湯係好特別嘅紫薯紅菜頭湯， 味道好好又健康，賣相又靚 （係紫紅色）。漢堡裏面個牛非常juicy， 薯條非常之脆。全日早餐嘅食材都好好，睇得出唔係用cheap嘢。飲品： 我哋要咗兩杯hot latte, 咖啡好香，同奶mix得好好。做到香滑濃。服務： 非常非常殷勤周到。整體嚟講：好開心荃灣有一間咁高質素嘅小店，性價比非常之高，一定會嚟再幫襯。