Video
Read full review
2024-11-01
560 views
朋友話要食靚仔嘅中菜，我諗都唔諗就帶咗佢去…“神燈海鮮酒家”呢間”神燈”係銅鑼灣嘅全新分店。之前都食過佢佐敦分店，覺得啲嘢食精緻好味又大份，就帶朋友去銅鑼灣分店試吓先。神燈嘅選擇好多，如果只係第一次試，其實淨係食signature dish已經夠。銅鑼灣分店嘅環境古色古香，飲品Menu更加係好似荊軻刺秦王嘅竹簡😂。但呢度真正打卡嘅地方其實係佢嘅嘢食…伊比利亞叉燒皇 $258標準高端中菜菜式。叉燒又甜又淋，半肥瘦，夠大嚿，基本上冇乜好挑剔。黑松露燒鵝1/4隻 $238燒鵝同雞鴨唔同，1/4隻已經相當大隻。鵝肉油香豐富，皮又脆，兼帶黑松露味，就算唔點佢提供嗰兩隻秘製醬汁，我覺得已經夠晒好食。蜜汁燒脆鱔 $278脆鱔即鰻魚，但更彈牙，個人認為係今晚最好食嘅菜式。真正做到外脆內軟，加上佢表面嘅蜜汁同內裏嘅爽彈肉質，滋味無窮，令人欲罷不能。糯米炒糕蟹 $588相當大份嘅菜式，一嚟到已經嚇親。打開蓋，成隻大膏蟹就喺入邊。用芫荽同蟹膏炒落啲糯米度，無論係蟹膏同芫荽嘅味道都完全融入糯米當中，豐富無比。呢個菜式係味道同飽肚度兼備嘅終極菜式。四頭南非鮑魚鵝掌 $198朋友話唔夠食所以追加嘅菜式。估唔到南非
“神燈海鮮酒家”
呢間”神燈”係銅鑼灣嘅全新分店。之前都食過佢佐敦分店，覺得啲嘢食精緻好味又大份，就帶朋友去銅鑼灣分店試吓先。神燈嘅選擇好多，如果只係第一次試，其實淨係食signature dish已經夠。
銅鑼灣分店嘅環境古色古香，飲品Menu更加係好似荊軻刺秦王嘅竹簡😂。但呢度真正打卡嘅地方其實係佢嘅嘢食…
伊比利亞叉燒皇 $258
標準高端中菜菜式。叉燒又甜又淋，半肥瘦，夠大嚿，基本上冇乜好挑剔。
黑松露燒鵝1/4隻 $238
燒鵝同雞鴨唔同，1/4隻已經相當大隻。鵝肉油香豐富，皮又脆，兼帶黑松露味，就算唔點佢提供嗰兩隻秘製醬汁，我覺得已經夠晒好食。
蜜汁燒脆鱔 $278
脆鱔即鰻魚，但更彈牙，個人認為係今晚最好食嘅菜式。真正做到外脆內軟，加上佢表面嘅蜜汁同內裏嘅爽彈肉質，滋味無窮，令人欲罷不能。
糯米炒糕蟹 $588
相當大份嘅菜式，一嚟到已經嚇親。打開蓋，成隻大膏蟹就喺入邊。用芫荽同蟹膏炒落啲糯米度，無論係蟹膏同芫荽嘅味道都完全融入糯米當中，豐富無比。呢個菜式係味道同飽肚度兼備嘅終極菜式。
四頭南非鮑魚鵝掌 $198
朋友話唔夠食所以追加嘅菜式。估唔到南非鮑魚炆得咁腍，但其實個汁先係mvp，佢同鮑魚鵝掌嘅配合度極高，特別係鵝掌，令佢提升咗幾個層次。
“神燈”一向係走中式高端路線，今次再試佢嘅菜式，果然冇令人失望。環境甚至比佐敦分店更闊落，坐得更舒服。現場所見，有二人慢慢品酒嘆小菜，亦有一班打工仔談天說地，甚至有遊客幫襯，相當熱鬧寫意。
Post
