居食屋「和民」 (Closed)

好開心和民o岩o岩轉左午市定食新菜譜，我今次無懼熱氣的挑戰，於是我就揀左所謂絶品吉列豬扒定食，可配豬扒汁或黑醋蘿蔔茸汁，我就選左豬扒汁。個定食仲包沙律同飲品。吉列豬扒等好耐先至黎，同事話個樣都幾靚，我於是先影低。一起筷吉列豬扒面的脆皮甩左出黎，我變左係脆皮同豬扒分開食，脆皮雖然脆，但唔係鬆脆，完全唔可以同食吉列豬扒專門店相比，豬扒唔夠鬆化，一般雪藏豬扒，冇乜味。用豬扒汁蘸都OK，可惜汁比得少。吉列豬扒o既油唔算多，起碼碟底唔見有油。生菜都算新鮮，白飯份量恰到好處 麵豉湯就冇乜特別，味道o岩o岩好，唔會太咸。但以中環黎講，和民係一個好選擇，地點OK，價錢亦都OK，坐得舒服，靜靜地同朋友傾計非常適合，所以都係唔好要求咁高啦!