靠得住粥麵小館 (Citylink)

Open Now

Now Closed

已到下午茶時間，但連晏都未食，就諗住去就近食靠得住碗粥。本身對佢地服務都無特別期望要求，之前食過幾次都覺得食物質素OK，但這一次去，結果係最後咩都無食就起身走了。平日下午飯3點多到，當時人唔算多，一位男侍應帶位，佢帶我去完一邊話原來無位又去另一邊，OK啦!到想落單，佢應我，但又好似好忙咁叫我等一等，OK啦！然後隔住另一張枱叫我講食咩野，個距離係要我大叫先會聽到，唔OK，連另一位女侍應都忍唔住叫佢行埋個客度落單啦，終於落左單......我等，過一陣已覺得比平時耐，都等多左陣，然後搵另一個女侍應問有無落單，原來無！應該有個比較高級女侍應即刻過嚟話即刻幫我落，我叫佢搵返個位男同事過嚟，佢一開口即刻正確講到我叫左咩，到問佢有冇落單，佢問隔離阿姐 - "唔係你幫我落咩？"  跟住當然互相推卸......我無眼睇，即刻起身走。呢間靠得住，有個靠唔住既侍應，真係有幾多粒星，幾好食都無用！