Sour Dough

Open Now

Now Closed

Sour Dough 響灣仔都開咗一段時間，但係午飯時間經常排長龍，冇乜機會可以食到。今日下午茶時間見多人，就把握機會試吓啲嘢食。入到去見到一排排嘅pastry,面包，三文治，每個都好吸引。今次試左開心果丹麥卷，羅勒麵包，以及salmon and cheese 既三文治。首先三文治上枱之前加熱過兩塊麵包酥脆，淡淡麥香，裏面嘅三文魚份量好多菜亦都俾得唔少，但係因為係煙三文魚所以份量多就令到個包比較鹹，芝士係飽入邊唔係好突出，但整體嘅感覺好平衡，味道唔錯。羅勒麵包外脆內軟，由內到外都見到羅勒醉但就唔係好食到羅勒葉嘅味道。丹麥卷一樣係外脆內軟。外皮搽咗薄薄一層糖漿，令到表皮更加脆，甜味混合牛油香氣，令人既罪惡，又滿足。😋😈😈裏面嘅開心果醬，好香果仁味，混合一齊食，真係大滿足。