貳號冰室 (Closed)

連鎖麵包店周圍都係， 但係質素每況愈下， 想食熱辣辣 用料充足嘅麵包🥐🍞🥖， 都要畀心機周圍搵下， 今日咁啱經過柴灣， 見到間冰室門口有即製即焗麵包， 大部分麵包都係新鮮出爐 熱辣辣🔥🔥🔥。呢度嘅麵包，大致上分咗兩種價錢， 一種係冇餡包， 即係咸豬仔、 提子麥包🍇、菠蘿包🍍， 呢啲包就每個七蚊。另外一類就係有餡包， 菠蘿紅豆包🍍、 腸仔包🌭、 午餐肉包🥓、 菠蘿叉燒包、 奶黃包🍳， 呢啲就每個九蚊。我簡簡單單揀咗個腸仔包試， 食落都唔錯熱辣辣又軟熟， 麵包質地 唔會好多空氣， 算係有啲質感。 九蚊一個真係已經交咗功課。