Video
Read full review
2010-01-10
173 views
上星期六係一個幾凍嘅日子，但由於有個舊同事大學畢業，於是乘機約埋幾個舊同事出嚟慶祝兼敍舊，並冒著寒風係尖沙咀1881影番大批沙龍留念。影咗一大倫相，到咗中午，大家已經餓到肚皮打鼓，即刻去咗附近一座食店林立嘅大廈睇吓有乜嘢食，係主角嘅提議下我哋去咗一間叫小南國壹號嘅上海菜館幫襯。去到現場，感覺環境幽靜雅緻，最值得欣賞嘅係個景觀，對正維港兩岸，真係好ok，如果夜晚嚟重好。係服務方面，d侍應都好友善殷勤，又有笑容，攞咗唔少印象分。由於我哋見係中午時間，冇叫d乜嘢小菜，只係order咗點心，小炒咁。未講我哋叫嘅嘢食前，先講吓菜館提供嘅餐前小食，一共有兩款，一款係辣嘅（唔好意思，由於我唔食辣，對此冇乜印象，甚至唔知個d係乜添）；另一款係蜜餞合桃，顏色較黑，味道非常好食，又香又鬆化，有蜜味嘅甜但唔膩，我覺得係當日最好食嘅嘢食物（好食到唔記得影相，真係sorry）。食完餐前小食，倫到我哋點嘅食物出場啦，睇吓d味道點先？火腿蘿蔔絲酥餅：香酥鬆化，好味但未見有太大特色 糯米肉燒賣：鹹鹹哋咁幾好味，雖然燒賣個餡係用糯米整，但係完全唔覺膩，而口感就唔似食燒賣，反而有d似糯米飽。美中不足嘅係個燒賣「定」都幾韌
去到現場，感覺環境幽靜雅緻，最值得欣賞嘅係個景觀，對正維港兩岸，真係好ok，如果夜晚嚟重好。係服務方面，d侍應都好友善殷勤，又有笑容，攞咗唔少印象分。
由於我哋見係中午時間，冇叫d乜嘢小菜，只係order咗點心，小炒咁。未講我哋叫嘅嘢食前，先講吓菜館提供嘅餐前小食，一共有兩款，一款係辣嘅（唔好意思，由於我唔食辣，對此冇乜印象，甚至唔知個d係乜添）；另一款係蜜餞合桃，顏色較黑，味道非常好食，又香又鬆化，有蜜味嘅甜但唔膩，我覺得係當日最好食嘅嘢食物（好食到唔記得影相，真係sorry）。
食完餐前小食，倫到我哋點嘅食物出場啦，睇吓d味道點先？
火腿蘿蔔絲酥餅：香酥鬆化，好味但未見有太大特色
糯米肉燒賣：鹹鹹哋咁幾好味，雖然燒賣個餡係用糯米整，但係完全唔覺膩，而口感就唔似食燒賣，反而有d似糯米飽。美中不足嘅係個燒賣「定」都幾韌，或者cover pig年紀大兼牙力唔夠，我要咬咗佢出嚟先得。
蔥酒香麻餅：幾香口嘅點心，有少少似係豆沙嘅餡，凍咗食都唔覺韌
麻醬菜肉大餛飩：好味，d麻醬好香，配合埋d菜肉餡感覺唔寡唔滯，而且大家都唔會搶咗對方d味，兩者出奇咁夾。餛飩就唔係大，不過因為皮簿所以覺得d餡都算充實。
小籠包：幾好食，皮夠簿，餡料夠多兼入味，我 d舊同事都讚幾好食，只係我個人覺得唔太夠鮮味，硬係覺得爭少少咁。
桂花軟糕：放係軟糕面裝飾個一撮黃色就係桂花，除咗裝飾之外，成個軟糕並冇桂花嘅感覺，只係一個用糯米整，煙煙韌韌嘅普通軟糕，雖然都算清甜可口，都由於冇乜桂花味，因此有d失望。
炒年糕：口感清爽適中，味道唔濃唔淡又唔肥膩，有咬口之餘又完全唔韌，而且外觀夠清新，確係水準之作。
上海粗炒：估佢唔到嘅係唔覺得點油膩（因為呢味餸一向俾我嘅感覺係好多油），味道係較為淡（相對於其他食店嘅呢個餸嚟講）但並唔係無味，只係味道冇咁濃，我覺得重易入口。D麵炒得幾爽身，唔會一舊舊或者痴埋一注，好容易夾起d麵。
講真，我做咗咁耐cover pig，都試過好多間上海菜館，講級數我諗都以呢間算最高級（唔好笑我孤陋寡聞啦！）。係食完d食物，加埋環境，服務等分數後，我覺得算ok，兼且係一個唔錯嘅體驗。
Post
