Alley Coffee

Open Now

Now Closed

今個假日，特登嚟到灣仔試一試呢間Cafe。之前經過灣仔個段時間發現咗藍屋對面開咗呢一間新嘅Cafe，望落去好有feel同埋好舒服，咁今日就嚟試吓啲咖啡同埋嘢食！ 如果你淨係飲杯咖啡或者食件蛋糕嘅話，都可以選擇喺出邊，望住藍屋！而且呢條街相對性較靜，唔會人來人往。而入邊嘅座位唔算太多，每一張枱都比較細，只有兩張四人枱，所以如果多人，可能傾偈就唔係咁方便。今次我就是試咗佢哋嘅flat white同牛油果日式碎蛋多士配沙律，杯咖嘅味道唔算太濃郁，沒有太酸或者苦澀味。可能佢呢度比較出名係精品咖啡，下一次會過嚟試一試。依個牛油果多士就好好食，個包好香脆，而且個蛋都幾滑，佢合埋成個牛油果都好正！最後在叫埋個甜品，呢一個係焙茶芝士蛋糕，茶味唔算太濃郁，反而個芝士味較重，不過食落去唔會話好漏，整體來講都值得一試👍🏻總括來講好鍾意呢度個環境，佢呢度唔會話好多人，都唔係話好多網紅過嚟打卡，好適合同一兩個朋友過嚟食吓野飲杯咖啡！