十二味 (碧麗花園)

Open Now

Now Closed

呢排好鐘意食辣，見到朋友屋企附近竟然有呢間，仲有我鐘意既乾鍋，即刻試試。呢到用qr code落單，非常方便。裝修都幾靚乾鍋 （5餸）- $ 238我平時食開果間都係可以揀餸既，但就一人size咁上下，咁我預計呢到模式差唔多，份量應該都差唔多啦。點知！個碗成個臉盤咁大，真係好正！一上台就聞到香辣味，入面辣既調味好多，有乾辣椒、青辣椒、辣椒醬等等。我地叫左小辣，有午餐肉、肥牛、蒿筍、魚腐同寛粉。午餐肉有煎過，好香口。肥牛份量超多，夠牛味又有辣味，滋味。篙荀夠爽口。魚腐有驚喜，辣味加上外皮甜甜地咁，有層次。寛粉煙韌彈牙，好入味。白飯 - $12食乾鍋真係要配返碗靚仔，中間balance下。靚仔粒粒分明。紅糖糍粑 - $48 呢個甜品基本上見到都會叫，因為真係好好食！外國炸到超脆，入面係軟林林既糍粑，重點係呢到整到一啲都唔痴牙，外面有大量好香既黃豆粉，加上紅糖醬，大推！桂花酒釀 - $38 呢個特飲係好飲酒釀丸子個湯咁，係米酒加熱再雪凍咁，米酒味好重，桂花味都好香，配辣野食好解辣。