뽀끼 正宗韓國小食 (Closed)

本來只係諗住去肥姐掃雞腎、生腸等，點知眼尾瞄到隔離開左間賣韓式小吃的鋪頭，於是排完肥姐就一個箭步就走過去。呢度賣的都係係韓國街邊常見的小吃，有炒年糕、炸雞、粉絲卷、炸餃子、熱狗等等，但最吸引我注意嘅係一串串熱辣辣魚糕，見到就好懷念遊韓的日子。呢度叫奧丁（oden的音譯，$15），價錢算幾貴，不過回憶無價顧名思義，其實魚糕串係好似日式oden（關東煮），正宗食法係會將魚糕浸係湯裡面奉客，湯亦可以免費添飲，試想下冬天食呢個真係暖在心頭，不過好可惜，呢度冇湯畀你，落order後店員只會係魚糕上掃少少麻油，然後就咁食。雖然冇湯冇咁盡興，但味道如一（斷估都係來貨，味道唔會同韓國有咩分別），軟腍腍甜甜地，好食。順帶一提，當食物準備好，靚女店員（唔知係咪韓妹）畀嘢你之前，佢會要求來個high five，男士們應該會幾開心。值得去指數：