Video
Read full review
2015-10-14
533 views
年尾將會去韓國旅行,韓國對我來講係一個未知嘅國度,我從來冇去過,對韓國嘅認知亦都好少,淨係讓久唔久食下韓國嘢>,<韓劇我都唔睇嫁,所以今晚約咗已經去過幾韓國嘅朋友仔取下經,睇下有邊度好玩好食,傾韓國嘢梗係去食韓國嘢啦!朋友仔住元朗呢間119plus嘅總店係元朗,喺上環呢一間係分支黎嘅!朋友仔試過元朗個間話幾有韓國風味,所以佢推介黎呢間試下!我哋今日都早收工,上到去只係七點左右,冇乜人,所以即刻就有位.舖頭裝修以紅色為主,播住k-pop,好有韓國feel !睇咗餐牌一陣間都冇乜頭緒,樣樣都好似好好食,店員走過黎同我哋介紹招牌菜,佢話招牌菜係一個叫'大鐵錘'既菜色,我哋要咗'鐵錘熔岩天使麵',佢介紹我哋食'雪糕筒炸雞'.飲品方面就介紹咗韓國最時興既米酒mix果汁,呢度個名叫Liquor Shake It,我哋要咗蘋果味.鐵錘熔岩天使麵先到.半圓形嘅脆皮,有個紅色嘅鐵鎚可以俾我哋親手打開佢!用鐵錘敲碎個脆皮,就會見到入邊有天使麵,呢個天使麵係喇沙味,有青口帶子蝦同魷魚圈,個脆皮加埋d汁都幾好味! 呢個鐵錘系列好玩又好味,有機會嘅話下次會試意大利飯!甜筒炸雞,炸雞上面有啲忌廉?
朋友仔住元朗呢間119plus嘅總店係元朗,喺上環呢一間係分支黎嘅!朋友仔試過元朗個間話幾有韓國風味,所以佢推介黎呢間試下!
我哋今日都早收工,上到去只係七點左右,冇乜人,所以即刻就有位.舖頭裝修以紅色為主,播住k-pop,好有韓國feel !
睇咗餐牌一陣間都冇乜頭緒,樣樣都好似好好食,店員走過黎同我哋介紹招牌菜,佢話招牌菜係一個叫'大鐵錘'既菜色,我哋要咗'鐵錘熔岩天使麵',佢介紹我哋食'雪糕筒炸雞'.飲品方面就介紹咗韓國最時興既米酒mix果汁,呢度個名叫Liquor Shake It,我哋要咗蘋果味.
鐵錘熔岩天使麵先到.半圓形嘅脆皮,有個紅色嘅鐵鎚可以俾我哋親手打開佢!用鐵錘敲碎個脆皮,就會見到入邊有天使麵,呢個天使麵係喇沙味,有青口帶子蝦同魷魚圈,個脆皮加埋d汁都幾好味! 呢個鐵錘系列好玩又好味,有機會嘅話下次會試意大利飯!
甜筒炸雞,炸雞上面有啲忌廉?忌廉下面仲有番薯茸添?聽落好似好怪異咁,但夾埋一齊食又真係幾好味喎!忌廉同蕃薯用到甜甜地,配上熱辣辣嘅炸雞,個味真係幾夾!另外有一兜忌廉白汁可以點炸雞食,都唔錯嘅,但係個人就鍾意甜忌廉配番薯用多啲!
Liquor Shake It到咗,要自己搖均,米酒味唔重,好易入口,難怪喺韓國係女生大愛嘅飲品!(唔知點解出唔到張相！)
因為友人未夠飽嘅關係,我哋追加左一個部兵鍋.
你個部兵鍋係迷你版當然有芝士啦,仲有韓國午餐肉,金菇,腸仔,泡菜仲有幾塊魚片嘅物體.唯一欠缺嘅就係茄汁豆.呢個迷你版嘅部兵鍋兩個人食就啱啱好啦!
喺韓國餐廳傾韓國嘅行程真係好有feel,好想快啲飛去韓國,感受下真正既韓潮!
Post
