微笑韓國料理 (Closed)

星期六又出動到尖沙咀區搵食，本想去韓國街食韓食，但記起同事之前說過，係厚福街有間韓式餐廳，佢食完覺得都唔錯，咁一於去開餐先😊。餐廳裝修以木系列為主，帶點懷舊風，很有格調。安排在濶落的坐位，感覺舒服😌。鋪坐下便會送上前菜，有黃蘿蔔、泡菜同埋凍豆腐。黃蘿蔔酸酸的挺開胃，泡菜有點辣勁，豆腐滑而幼嫩。🧆海鮮炸醬麵，我食韓國菜必點之一，醬汁帶點甜不會過咸，非常之喜歡😘。用上石鍋載着，故食的時候還在冒煙，食到尾仲係熱辣辣的，很適合在凍的天氣時食用。🐟烤鯖魚，近排喜歡上食魚，而鯖魚營養豐富，肉質嫩滑，實屬低脂健康之選👏。