LE BREAD LAB (Closed)

睇雜誌介紹得多，今日經過就決定買返屋企試一試。既然服務員話三個小時內雪返入雪櫃就可以，所以安心買咗草莓奶油捲及草莓巧克力奶油捲各一打返屋企做飯後甜品。首先講講個包裝，粉紅色盒剛剛好裝好一打。打開盒見到十二件蛋糕整整齊齊排好即刻流曬口水。「草莓奶油捲」外面蛋糕皮好鬆軟，忌廉好滑好香甜度啱啱好，而士多啤梨好新鮮但甜度一䑥。細細件可以一口食曬，三樣嘢都好夾，好好食。「草莓巧克力奶油捲」蛋糕皮及油奶部份都加入朱古力，朱古力味香濃，同樣地甜度剛好。兩款都好好食，家人讚口不絕，仲話下次要試埋其他款。其實買嗰時都怕會食唔曬，但可以話俾大家知食一件係完全唔夠，因為細細件同忌廉唔溜同過甜，所以你係會一件接住一件咁食，所以每款買一打絶對唔過份，分分鐘會唔夠喉。