Ssoja Toast & Hotdog (逸東酒店) (Closed)

今日約左同樣係佐敦番工既好朋友食過快lunch ，簡單地傾下佢婚禮既進度。我地照舊老地方，選擇左地點十分方便就腳既逸東酒店food hall。 Food hall環境乾淨整潔，坐位夠多。位於LG底層，大街旁有入口，落一條樓梯就見到。入面有幾間餐廳，但我地最鍾意都係一入門口就會見到既韓國人氣過江龍「Ssoja Toast & Hotdog」。與韓國店一樣，職員新鮮熱辣即製所點選的食物，令人垂涎🤤-每次黎我多數都會選擇Combo set 做午餐。今次食「韓式多士三重奏」。🥪麵包質感鬆軟，配料相當豐富，有厚切火腿扒、咸香惹味煙肉、甜粟米蛋餅，配以適量爽脆椰菜絲，減輕膩滯感，口感充實。 個人認為其醬汁是最特別，亦是擔當著最重要的角色。蜜糖芥末醬和韓式燒烤醬十分香甜開胃。 套餐還有薯餅及飲品。 薯餅厚身又大塊，十分香脆之餘，油瀝得夠乾不覺油膩。最後來一杯冰凍酸甜柚子青檸話梅汁，解渴清膩一流。-朋友點了「韓式燒烤辣醬熱狗🌭️」，同樣是滋味飽肚。以韓國直送熱狗腸配搭特製辣椒醬及韓式燒烤醬，入口帶微辣，肉香味濃惹味無比。-餐廳除主打韓式多士/熱狗🌭️，亦有炸雞🍗及窩夫供應，有時同事會買來當下午茶呢。