鳴虎 (北角匯二期)

Open Now

Now Closed

今晚經過北角，就去北角匯嘅一田超市搵食。鳴虎拉麵有唔少晚餐選擇，今晚試吓牛柳粒飯，配炸餃子的。如果唔想飲汽水咁肥，飲品可以揀熱人蔘茶，而人蔘茶嘅人蔘係用咗韓國鮮人蔘，微苦滋味。食物嘅材料全部來自日本，白飯係用秋田米，沙律係用日本水耕菜，連餃子都係日本餃子。牛柳粒煮得好入味，蒜片香脆質感似薯片，再加唔少洋蔥，送飯好適合。我再加咗份小食，人蔘天婦羅。呢款天婦羅係每次即叫即開粉做，有手掌咁長，人參主體部分軟而微甜，補身又惹味。